Unidade Didáctica da película Matria

As profesoras Carme Adán, Irene Romero e Eva Piña elaboramos esta unidade sobre a película Matria en colaboración co director Álvaro Gago, a produtora Matriuska e a deseñadora gráfica Raquel Boo.

Esta proposta didáctica é unha guía para acompañar o profesorado no proceso creativo de mudar o mundo, un mundo invadido pola imaxe. Consideramos que xuntar imaxe e palabra nas aulas é un reto para pensarmos no presente. Este material está dividido en tres partes:

1. O primeiro aborda a linguaxe audiovisual desde unha perspectiva feminista.

2. O segundo revisa a vulnerabilidade laboral das mulleres e lembra como estas sempre suberteron a orde establecida coa súa revolución constante.

3. O terceiro pon o foco na nosa lingua e a importancia de apostar por un cinema galego que como escolla lingüística teña o galego en todas as súas variantes dialectais.

   
   

UD_MATRIA_2024 (1).pdf

Descargar PDF • 13.25MB